eingenůmmen. Zů dem Romischenn kaÿser kam aůch daselbst hertzog.
Cůnradt. von Francken vnnd Lothringen mit einem gar wol gerůsten vnnd
starcken raÿsigen gezeůg in sein here. Von welches ankůnfft
wegen die ganntz Ritterschafft. vnd das gantz here hochbegirick was mit
den feinden sich zůschlahen. Wan hertzog. Cůnradt.
was vonn natůr kůn. Vnd das doch in kůnen lewthen ser seltzam ist
klůg. vnd eines gůten vern ůnfftigenn Radts. Vnnd ein gůterr
menlicher krieger zů ros vnnd fůs. Vnd Im krieg gantz emsick. vnd
arbeytsam. vnd … allen kriegslewthen. vnd dem gantzen Here.

Der Romisch kaÿser mocht aber eÿlhalben nit mer dann acht Legion
zůsammenbringen. doch wol gerůstet. Da nůn bede heer aůff vnd
ab rawbten vnd ander kriegsrecht triben. vermerckten baÿde heer
das sie baider saits nahend beÿeinander weren. Darůmb wart.