in des kaÿsers here aůffgeboten. Das aůff den nechstfolgenden tag
ÿederman zům streÿt berait vnnd geschickt wer. die feindt zůslaen. ee
der ander tail der Vngern vber das wasser zcoge. Derhalben
aúch Graff Bertoldt von Stheÿrn Graůen Arnolffs von Stheÿrn
Sún zu den Vngern geschickt wart. ynen von kaÿserlicher Maiestat
wegen abzůsagen.

Darůmb stůnden die Vngern ser frůe aůff. vnd zcogen aůs ÿrem heer
vnd wagenbůrg mit aůffgerackten panÿrn. Nů was nit fern zů
Sant. Lorentz. des hailigen merterers tag. Demnach thet der
Romisch kaÿser. So er důrch sein hailige vorbit wider sein feindt
gesÿget. wolt er Inn Sant Lorentz ere von seinen gůtern. vnd mit
seiner kost ein Bisthůmb zů Mersebůrg stifften. Vnd als er das