Als bald der Romisch kaÿser. Otto. vernam das die letzten hawffen
vonn feÿnden not lÿden. schicket er hertzog. Cůnradt. von Francken.
mit dem Vierdten hawffen. hinter sich Hertzog. Bůrckart.
zůhelffen. Vnnd er gesiget den Vngarn an. Vnd Jhaget ÿn allen
rawb vnnd alle gefangen ab. Vnnd verIhaget sie
gar. Er bracht aůch die zů drente kaÿserliche haůffenn. wider in ÿr
ordenůng zúsammen. Vnnd weÿl die altenn krieger
in dem handel verdrossen vnnd seůmig warn. zcog Hertzog.
Cunradt. mit sambt den Newen kriegern vnnd knechten mit
sighafftigen panÿrn in grosser frolickait wider zům Romischen
kayser Welcher die zeit da hertzog. Cúnradt. wider zů ÿm kam sein
Folck wieder die Vngern Gottes vnnd sein feinde trostet. Welch
sein Folck gar zům streÿt geschickt. geordent. vnd willig was.