Weÿl der Romisch kaÿser. Otto. wider die Vngarnn aůssen was
regirt Hertzog. herman. das Lanndt zů Sachssenn. wider welchenn sich
zwen Graůen Wigman sein Vetter. vnd Eckbrecht des kaÿsers
SwesterSůn erhůben. vnnd ÿm kain rhw liessenn. Sůndern ÿn stets
bekriegtenn. auff anregen Hertzog. Lewtolffs. des Romischenn kaÿsers
Sůn. Aber hertzog. Herman. von Sachssen als ein weÿser Fůrst stillet
den vnsinnigen zcorn der Jůngenn Graůen mit seiner gedůlt, vnd
verwart mit dem allerhochsten vleis aůffrůr. zwitracht. vnnd
vnfrid. Dieweÿl der Romisch kaÿser. Otto. aůssenn war wider die
Vngarnn. Damit in mitler zeit ÿe kain vnfridlich enporůng Inn
Sachssenn erwůchssenn