Als nůn kaÿser Otto. zůmandernmal wolt mit gewalt in Baÿrnn zciehenn.
gab Graff Wÿgman kranckhait fůr. derhalben er entschůldigt vermaint
zů sein. Demnach yn kayserliche Maiestat warnet kein newen
aůffrůr vnnd zwÿtracht in mitler zeit zůerheben. Da er nůn kain
frůchtbarlich antworth daraůff gab. wart er vom Kaÿser Graůen
Jbon beůoln gefencklich zůbehaltenn. Als nůn Graůe Wigman etlich
tag sich in solchem gefencknÿs erbarlich enthalten hett. Bat er
Graůen Ibo ym zůerlawben in walt aůff ein Ihaget zůziehenn. Vnd
erwarb solch erlaůbnÿs Namdem [lies: Nachdem] nůn Graff Wÿgman
etliche verborgen gesellen mit ÿm hett genůmmen. brach er den glawben
wůrdt maÿn aÿdig zcog wieder heÿm. vnnd schicket sich mit sambt dem
Graůen Eckebrecht wider den Romischen kaÿser zůkriegenn. Nam aůch
in solchem fůrnemen etlich Stete ein. Aber sein. vnnd der
seinen fůrnemen Hertzog. hermans. sůnder weÿs hait leichtlich
vberwand t. Vnnd sie vber die Elb vertreib.