vmbgangen hetten. wart entlich beschlossenn mit listickait zůenden
das sie mit gewalt nit vermochten aůszůrichtenn Solchs wardt
Marggraůen. Gero. befolnn. Wann er hett vil
gůter kůnst bey ym Ritterlich zukriegen. weyse Reth zůgebenn.
ertich zůreden. vnd vernůfftiglich vnnd vorsichtiglich in allenn
sachen zůhandeln. Er was aůch ein gotsforchtiger vnd milder Herr.

Daraůff zcog dieser Marggraff. Gero. zu der Wenden hertzogenn
ainem Stoÿnew vber obingenant wasser vnnd See. vnd grůsset
ÿnn. Daraůff ym Stoÿnew dancket. Da saget. Gero.
dir wer gnůgsam vnnd hettest wol zůschickenn. wider vnser ainen
allein zůkriegenn. von den knechten meynes herren. Wil
geschweigenn wider meÿnen herren selbst den kayser. Was hastů fůr.