ain mail wegs vonn dannen kůmmen. ee es die Wende erfůrn. Vnnd
hett drey Brůckenn vber das wasser mit zůsamen hefftůng der Vasse
gemacht. Vnd nach ein nemůng des Vfers schickt er zům kaÿser sein
botschafft das er mitsambt dem gantzen here kůmmen solt. vberzůziehen.

Als die Wenden wolten dem kaÿser mit macht begegen. vnd ym den zcůg
zůweren. Aber da ÿr Fusknecht eyn vil zúlangenn weg. fůr sich namen.
vnd mit den kayserischen zůstreÿten vermainten. wůrden sie von den
kaÿserischen flůchtig gemacht. vnd zům tail aůch ser erschlagen. vnd in
der flůcht vmbgebracht. Der Wenden hertzog Stoÿnew hielt
mit seynem raÿsigen zeůg aůff ainem hohen berge. des aůssgangs
zůerwarten. Vnnd da er merckt das sein Folck in die flůcht was kůmmen.
Flog er aůch. Vnd wardt in ainem holtz mit sambt zweÿen knechten