von ainem Ritter gnant hoseb gefůnden. Vnnd nach Langem streÿten
matt vnd můdtgemacht seines harnisch vnd seiner Wapen berawbt.
vnd entlich enthawbt. Es wart aůch gedachter zweÿer knechte ainerr
Lebendig gefangen. Vnd dem Romischen kaÿser sambt des hertzogen
Stoÿnew wapen geantwort. Vonn welcher Ritterlichen tat wegenn
benanter Ritter hoseb weitberůmbt vnnd grosberůffenn war t. Aůch
begabt yn der kaÿser mit Jherlichen rendten zweintzig hůfe Lanndes.
Aůff denselben tag gewan aůch der Romisch kaÿser die wendischen Wagenbůrg.
Vnd es wardt vil wendischen Folcks gefangen vnnd erslagen. Aůch
wereth die schlacht fernn In die nacht.

Aůff den nechsten tag darnach wardt des vmbgebrachten Wendischen
Hertzogen Stoÿnew kopff aůff dem feldt aůffgesteckt. vnd dabeÿ
Sÿbenhůndert gefangen wenden alle enthawbt. Desselben wendischen
hertzogen Reth. Aůch wardt ainem sein zůngen aůs dem hals
gerissenn. vnnd mitten vnder dem erschlagen vnnd vmbgebrachten.