Als nůn der Romisch kaÿser in diesem Wendischenn krieg erfůr
Das sein Sůn Hertzog. Lewtolff. Inn welschen Landen gestorben
was. Wiewol er ym vngehorsam Jn Italien gezcogenn war.
Vnnd wider yn zů seinem feindt Konig. Berengarr. Doch
geschah ÿm So gros leÿd. an seinem abgang das solchen schmertzenn
in kain weg vermocht zůůerdrůckenn Welchs
gescheen Nach Cristi gebůrt Neůnhůndert vnnd Im
SechsvnndFůnfftzigstenn Jharr.