Vnnd nachdem Kaÿser. Otto. důrch gotliche hilff alle Raich die
nach abgang des Grossen vnnd hailigenn Kaÿser. Karls. abgefallen
warnn wider vberwůnden. gezempt. vnd dem Romischen Raich vnterthenig
gemacht hett. Schickt er sich mit den Denen zůkriegen Welche
sein Vater der Romisch konig. Hainrich. in vorzeitenn aůch
vberwůnden hett. Darůmb vermainten die Denen wider
vmb zůfallenn. Derhalbenn sie mit sambt ÿrem konig. Harolt.
des kaÿsers botschafft beÿ Sleswig den Marggraůen. Vnnd die
Sechsische Besetzůng vnnd Lewth daselbst in grůndt vmb brachtenn
vnd vertÿlgtenn.