Es begab sich ain mal vber Konigs. harolts. tisch von Dennemarck
das ein Clerick mit Namen Poppo Sprach das Got Vater. Sůn
vnd hailiger gaist der ainig vnd warhafftig Got wer. vnnd das alle
Abgotter sůst teůfel vnd nit gotte wern. Darůmb fraget ÿn der konig
ab er den Cristlichen glawben als den warhafftigenn vnd bestendigen
wolt beweren. Da Saget Poppo zůstůndt aůff Jha. er wolt ÿn
bestendig beweÿsen Derhalben befalh yn der konig bis aůff
nechstfolgenden tag einschliessen. Auff den morgen lies der konig
ein ser schwer vnd gros eÿsen glůend machen. Vnd den Poppo vor sich
fordernn. vnd hies yn zubewerůng der warheÿt des hailigen Cristlichen
glaůbens das glůendt eÿsen. mit blossen henden aůffhebenn. vnd
tragen wo er solchs hin wolt. getragen haben. Daraůff
segent Poppo das eÿsen vnnd trůg es an zweiůel mit blossenn vnnd
vnůerserten henden. an den ort ym von dem konig angezcaigt
In beÿsein vil Folcks das solchs sah. Darůmb