beschlos der Konig hinfür Cristům fůr den ainigen warhafftigenn
Got anzůbeten. Vnnd hielt alle Briesterschafft vnd gaistlickait
in grossenn Eren Deshalb aůch kaÿser Otto. Poppo fůr ÿnn
fordert, zů eÿnem Briester lies weyhenn. Vnnd darnach den
Dhenen zú eynem Bischoff.

Kaÿser Otto. hat aüch zu Eren vnnd stercke des hailigen Cristlichenn
glaůbens Die dreÿ mechtige KonigRaich Schwedenn. Norwegen.
vnd Dennemarck. Aůch die wenden mit allenn ÿren Lanntschafftenn
Als Nemlich von den Nordalbingen die Wagiren Polaben.
Bos. Obotrit. Redarien. vnnd Wilzen. allen Wendischen Folckernn
bis an die Oder dem Ertzbistůmb zů Hambůrg. Welchs
itzt zů Bremen ist. vnnterworffen.