Als nůn der Romisch kaÿser alle sein. vnnd des hailigenn Raichs sachen
durch ganntz Germanien wol bestelt vnnd versorget hett. zcog er
sambt seiner Frawen der Romischen konigÿn. Adelhaÿdt. důrch
Baÿrn vnnd Swaben in welsche Lanndt. Vnnd da er
vber das welsch gepÿrg kůmmen was. zcogenn Ÿm entgegen gar schier
alle Bischoůen vnd Graůen In Jtalien. Vnnd wardt
von denselben. wie sich gebůrt in allen Eren angenůmmen vnnd
enntpfangen.