Als der Romisch kaÿser in die Stat Rom zůsambt seÿner gemaheln der
Romischen konigin kůmmen was. wardt er. vnd sein Fraw von dem Babst
Joannes des Namen des zwelfften. in allen eren entpfangen. vnd vor
den stůffenn der hailigenn Apostel Fůrstenn Sant Peters. vnd Sannt
paůls mitsambt der kaÿserin mit Bebstlicher benedeÿůng gesegent.
vnnd gekront. Vnnd wart also Romischer kaÿser vnnd des
hailigen Romischen Stůls versprecher vnd hanthaber nach Cristi
gebůrt. Neůnhůndert vnd ainvnndsechtzigsten. Vnnd
seÿnes Raichs Fůnffvnndzweintzigsten Iharn.