Da bemelt freůntlich ermanůng nit wolt helffenn. nichts desterweniger
wolt der Romisch kaÿser nit ablassenn. Anzweiůel aůs
betrachtůng. wieůil vnnd was grosser ferlickaÿt aůs dem vncristlichen
Lebenn des bosen Babsts. mocht sich důrch die ganntze
Cristenhaÿt flechtenn. Derhalbenn redt er den Babst
darnach mit grossem Ernst an. vnnd mit angeheffter drawůng
So er sein vnleydlich vnd vncristlich fůrnemen nit wůrdt abstellen.
darob zůsein das der sach Rat mocht erfůnden werdenn.