Vber annder manchfeltig gros vnnd mercklich woltat. So dieserr
Romischer kaÿser hat der hailigen Romischen kirchen vnd dem Bebstlichen
Stůl zů mermaln ertzaigt. hat er aůch dem hailigen Stůl zů Rom
bestetigt alle die gůter vnd priůilegien. ÿn von etlichen seÿnen
vorfordern in vor zeiten verlÿhen Vnnd Nemlich vom Romischen
Kaÿser. Lůdwig. dem Gůtigen Des haÿligen vnd grossen Romischen
kayser. karls. Sůn. Vnd aůff das nůn dester clarer sey. wie
gros gůth dieser Romischer kaÿser mit benanter bestetůng hat
der hailigen Romischen kirchen beweist. So Folget hernach ein
Verteůtzschůng des benanten Romischen kaÿser. Lůdwigs. des gůtigen bestetůng.
daraůff der Romisch kayser. Otto. der Gros. Vnd der hailig
Romisch kaÿser hainrich. ÿr bestetůng aůch gemacht habenn.