Weÿl der Romisch kaÿser die Romische Kaÿserlich kron zů Rom
vonn Bebstlicher Hailickaÿt annam. Legt Sich konig. Berengarr.
mit der grostenn macht. So er vermocht. aůff Sant Leo Berg.
Vnd sein weÿp Willa enthielt sich Inn Sant Jůlians Insell
Aber sein Sůn hetten etliche Schlosser Jnnen vnd besetzůng. Vnd
sůnderlich Gard. Tranall. vnd die Jnnsel in dem
Cůmersehe Derhalbenn sich kůrtz darnach der kaÿser
fůr die konigyn Willa leget. Die er nach zweÿen Monaten
fieng. das Schlos gewan. vnnd die konigyn aůs kaÿserlicher gůtickaÿt
ledig vnnd freÿ lies zciehenn wo sie hin wolt. Also zcog
sie zůstůndt zů yrem herrenn Konig Berengarr.