Etliche schreiben die Walenn So vormals von diesem Romischen kaÿser
warn vberwůnden sein widerůmb gefallen Vnd habenn Konig. Berengars
Sůn Adalbrecht vnnd Wittich aůs der Jnsel Cors wider in Welsch
Lanndt eingefordert vnd eingesetzt. Derhalben hab der
Romisch kaÿser hertzog. Bůrckhardt. von Swaben Inn
Jtalien mit eÿnem here schicket. mit konig. Berengars. Sůnen wo
er die antreffen wůrd. zůstreÿten. Darůmb zcog. Hertzog.
Bůrckhardt. aůs. Vnd nam zu ÿm die Lůmbarder. vnd zcog nach
dem wasser Pad da sich die obgemelten Berengars Sůn hielten
Alsbald nůn hertzog. Bůrckhart. vber das wasser kůmmen was fieln
ÿn konig. Berengars. Sůn Ernstlich an. Da er sich aber Ritterlich
weret. mit sambt seinem Folck. blib Wittich konig Berengars
Sůn mit vil andern tott. Aůch kam Albrecht. der ander konig.
Berengars. Sůn mit dem leben darůon. vnnd flog. Da.