Als nůn Hertzog. Tancmar. von Sachssenn des Romischen kaÿsers
stiffbrůder vnd Pfaltzgraff Eberhart. am Reÿn. Hertzog
Hainrich. von Sachssen des Romischen kaÿsers brůder. gefangen
vnd hinweg an Reÿn gefůrt hetten. da sie ÿn hielten. vnd die andern
alle von Jrem bosen fůrnemen abgestanden warn. bliben allein der
Pfaltzgraff am Reÿn. Vnd Hertzog. Tancmar in Irem můtwillen
Aůch Nachdem sich Hertzog. Tancmarr. mit voriger vnfreůntschafft
nit lies settigen. Vnnd hett die Reich vnnd mechtige hawbtstat Inn
WestSachssen hersbrůck gewůnnen. Vnd mit seynem wildenn hawffen
mitdem er sich in benante Stadt gesetzt hett. Vil schadens
darůs [lies: daraus] thet. Wart der Romisch kaÿser důrch lieb des gemeÿnen