nůn Bischoff Wittich von Můtina desselben Albrechts. Botschafft
zům kaÿser kam. vnnd der Romisch kaÿser desselben betriglickait erfůr.
schicket er ÿn mit schandenn wider heÿm. Wardt Im Welschem gepirg
gefangen. in Sachssen gefůrt. vnnd entlich in Wendischenn Landen
gefencklich gesetzt. Aůch hat der Romisch kaÿser Bischoff Sigůlff.
vonn placentzt mit sambt vil Graůen als Fridbrechern In Teůtzsch
Lanndt in das Elendt geschicket.

Nach obenn berůrter erobberůng Sannt Jůlians Inseln zcog der Romisch
kaÿser vor Sannt Leoberg. Daraůff konig Berengarr. sich enthielt.
vergebens. vertrawendt sicherhait vor dem Romischen kaÿser daraůff
zůhabenn. Wiewol er ein aůf schůb seÿnes vnglucks
bekam. Dann der Romisch kaÿser můst anderer trefflichenn
hendelhalbenn abzciehenn. Wie Im nechsten Capittel
hernachfolgenn wirtt.