kein kůnfftig besserůng Im Babst vermerckt zů haÿl vnnd gedeÿen
der ganntzen hailigen Cristenhait alle Cardinel. Ertzbischoffe vnd
Bischoffe in Jtalien zůsammenfordert. vnd ein Concilium machet
benanten Babst sein Leben vnnd Regiment in besserůng zůandernn.

Als der entrůnnen Babst erfůr das der Romisch kaÿser ein Conciliům
zůsammen gebracht hett. bleib er nichts desterweniger in seÿnem
fůrgenůmmen můtwillen. entwardt in das Landt hernicorům In Jtalien
gelegen. Vnd versteckt sich Im gepirg vnd gewildtnůs das er ein
zeit lang keynem menschen zů aůgenscheÿn kam. Darůmb
wart der Romisch kaÿser von den Romern mit allem vleis gebethen
yn eÿn andern Babst zůerwelen vnnd zúgeben Des sich der Romisch
kaÿser zúthůn weÿgert. Vnd Sagt. die erwelůng Bebstlicher
Hailickait gehort der gaistlickait. vnd dem Laÿen Folck der Stat Rom
Darůmb soltenn sie eyn Babst erwelen. den sie fůr den beqůemsten
vnd tůglichstenn darzů hielten. Denselben wolt er aůch also zůstůndt