besteten. Wie er aůch gethan. Wann In vorzeiten ist ein weÿl
gewonhaÿt gewest. das die Romisch kaÿser haben eÿn Babst zůweiln
zůerwelen. zůweiln zůbestetigenn. Wie man dann des clar anzcaig
ůng hat in gaistlichenn Rechten Im Decret distinctione.
sexagesimatercia. Darnach haben sich die Romisch kaÿser
solcher gewalt verzÿgenn. vnd dieselben gantz heÿmgegebenn der
Romischen geistlickait Vnnd Nemlich Kaÿser
Ludwig. der Gůtig. Kaÿser. Otto. der Gross.
Vnd Kaÿser. Hainrich.

Da der Romisch kaÿser den Babst. Leo. des Namen der acht bestetigt.
vnnd alle sachenn zů Rom. wol aůsgericht hatt. zcog er mit
seÿnem heer nach Spolet. aÿner gar berůmbten Stat. In Welschenn
Landen die zweÿ Landt Calabrien vnnd Apůlien den kriechenn
wieder abzůgewÿnnen.