sein gewalt vnnd vngnad sünderlich an den obenbenanten Cardineln
die beÿ dem Romischen kaÿser hůlff vnnd schůtz gesůcht hettenn.
Vnd lies eÿnem die Nasen abschneÿdenn. Vnnd dem andernn der die
brieff an Romischen kaÿser geschrieben hett. die rechte handt abhawen.
Aůch fieng er Bischoff Otgernn von Speÿer. vnnd lies ÿn geÿsseln.
Vnd Nachdem er ÿn ein zeit gefencklich gehaltenn. schicket er ÿn
entlich dem Romischen kaÿser wider. Inhoffnůng beÿ seÿner
kaÿserlich Maiestat gnad damit wieder zůerlangenn.

Kůrtz darnach kam der entrůnnen entsetzt Babst Joannes gar
vbell vmb. Vnnd nach dem die Romer wider des Romischen
kaÿsers willen eyn andern Babst woltenn habenn. dann Babst
Leo. machtenn sie ein Romer zům Babst. gnant Benedictůs
der Fůnfft.