der Romisch kaÿser der [lies: den] Romern. ernstlich. Babst Leo wieder
einzůnemen. Vnnd sich des vermeinten Babsts Benedict zůeůssern.
Weÿl aber solch kaÿserlich ansÿnnen. von den Romern wenig
geacht vnnd angesehenn wart. Erobbert verderbt vnd verhert.
er ÿn Lanndt. Stedt. vnnd Fleck.

Weÿl nůn der Romisch kaÿser besorget. So er den vermeinten Babst
zů Rom. Oder annderswo Jtalien lassenn wůrd. er mocht ein new
aůffrůr vnnd entporůng erregen Derhalbenn solch vnd
annder vbell zůbewaren. Nam er Im sechstenn Monat seÿns
vermeinten Babstůmbs mit ÿm In Teůtsch Landt. Vnd
befall ÿn dem Ertzbischoff Adeldag vonn Bremen. zůbewarnn Welcher
ÿn zů Hambůrg einsetzt. Da er darnach kůrtz gestorben ist.