Nůtzs. vnd der gerechtigkaÿt bezwůngen solchen můtwillen der
gemeÿnem nůtz. vnd dem Landfrid zů nachtail raicht. nit
lenger zůgestatten. Derhalbenn der Romisch kaÿser
mit heer wider sein Stifbrůder hertzog. Tancmar. fůr Hersbr ůck.
mit einem grossen heer zcog. merern vnfůg. schaden. vnd vnfrid
zůbewarn. Weÿl nůn die von hersprůck mer verdrÿs
dann lůsts. vnd mer vbels dann gůts von Hertzog Tammarr.
hetten. Sich aůch grosser schadens můsten besorgen. wann sie sich
wider den Romischen kaÿser setzten. offenten sie die thor seiner
kaÿserlich Maiestat. Als er nůn in die Stat kůmmen was.
wúrden die feÿndt an alle erbarmůng erslagen. Weÿl
aber des Romischen kaÿsers maÿnůng geordent vnnd recht was.
vnd nit weiter tracht. dann das er Frid mocht machen. vnd sein
brůder von seinem vnwillen zů brůderlicher trewmaÿnůng widerbringen.
geschah ym ser gros laÿd důrch seÿn abgang. vnd wart ser
betrůbt. da er erfůr das er vmbkůmmen was. Dann des
Romischen kaysers folck eÿlt ym vor Sant Peters kirchen. dareÿn er
geflogen was nach. vnd nachdem dieselb kirchen geschlossen was.
steckten sie die an. hieben die thůr aůff Darůber Hertzog.
Tancmarr. wie In seinem leben folgen wirt vmb kam. Welchs
den Romischen kaÿser zů einem sůnderlichen mitleÿden bewegt.

Darnach als etlich Cronicka haben. Lies der Romisch kaÿser ein Graůen