Lůgenn vnnd vngrünt zůbeladen fůrgenůmmen. Daraůff Graff
Cono aůch ain gross enn aber falschen aÿdt schwor es wer also.
Demnach Graff Bůrckhart mit ÿm Inn den kampff trat. Aber Graff
Cono verlor Im erstenn zůgang sein rechte handt. Vnd damit
sein schůldt vnnd vntat vberwůnden kůntbar machet. vnnd derr
almechtig Got erloset die tůgentreiche lobliche Fůrstÿn von disem
grawsamen vbel. Die ÿm allein von vnschůldt wegen ÿres lebens angenem was.

Etlich Cronick habenn nach dem dieser Romischer kaÿserr hab
ain mal wollenn in Welsche Lanndt vnnd gen Rom zciehenn
hab ÿm konig. lotharr. vonn Franckraich solchen zcog wellen
weren. Darůber seint sie zůsammen kůmmen. mit
einander gestritenn. vnnd vil Folcks baider saiten verlorn. Vnd
entlich důrch geschefft Babsts Martini des dritten vertragen worden.