Da der Romisch kaÿser vonn Rom wieder nach Germanien zcog.
Welchs gescheenn ist. nach Cristi gebůrt Neůnhůndert
vnd Im ViervnndSechtzigstenn Jhar. brach ein so grawsam sterbenn
In seÿnem heer eÿn. das nÿmants wie gesúnt er was sich verhofft ein
tag zůerlebenn Es starbenn aůch aůs dem kaÿserischen heer
herr. Hainrich. Ertzbischoff zů Trÿer. Gotfridt. Hertzog zů
Lothringenn. Vnnd herr Gerrit Apt zů Weyssenbůrg. Aůch
darůber ein wůnder grosse menig vom Adell vnnd gemeinen Folck.
Vonn welchem schweren obligenn kaÿser. Otto. dennoch entlich
důrch gotlich erbarmůng entledigt wartt.