Marggraůen Cristannůs zů Laůsatz Sůn. von den Priestern vnd
allem Folck erwelt. Aber kaÿser. Otto. wolt ÿm das vonn wegenn
seÿnes Brůders Marggraůen Tethmars dem er gehass was nit gebenn.
Jn mitler zeit als er in der Stat Paůÿ mes lass.
wann er des Romischen kaÿsers Caplan was. sah er allein Sannt
Peter. vnd Sannt Ambrosy mit dem hailigen Oll sich zů Bischoff
salbenn. das er doch nymants saget. Sůnder die gnade gottes heÿmlich
hielt. Als nůn der Romisch kaÿser an dem Ostertag zů kÿrchen
gieng erscheÿn ÿm ein engell mit einem blossenn schwert. Vnd
Sprach. Es seÿ dann sach das dů die Welůng hewt Im Gero erfůllest.
Saltů nit sicher diesen weg vorfarn. Also erschrack der Romisch kaÿser.
Vnd hiesch hernn Gero vor ÿn Befalh ÿm das Bistůmb zů Colnn mit
dem stab. Vnnd bat vorgebůng vonn ÿm.

Beÿ disenn zeiten vnd vnnter diesem Romischen kaÿserr. Otto.