Dieser obenbenanter Bischoff Ditterich zů Metz dem Romischen
kaÿser. Otto. mit angebornner freůntschafft. mit lieb. vnd mit
teglicher gemeinschafft vil mer dann die andern verwandt. da er
In Jtalien drey Ihar bey dem kaÿser Im heer lag. bracht er vil haÿlge
leichnam vnd hochwirdigs haÿlthůmb. aůs vil welschen Steten
zuwegen Nemlich aůs Marsie Sant Elpidit. Welches haÿligen
gesellen. den hailigenn Bischoff Entici der kaÿser beraÿt weg bracht
hatt vonn Amiternis den hailigen merterer Sant Enticetem. mit dem
heÿlthůmb seiner hailigen gesellen. Maron vnd Victorÿn
von fůlgin den hailigen Bischoff vnd merterer Felician Von
Perůs den hailigen merterer Asclepiodor. Von Spolet den Hailigen
merterer Seren vnd Sant Gregori den hailigen merterer von Spolet.
Von Cordnn den hailigen merterer Sant Vincentz. Von Menania
ein andern hailigen Vincentz Bischoff vnnd merterer Vonn