Fůrst die wenden. die Laůsatzer vnd Sepůli gnant mit grosser
gewalt vberwandt. Vnd In die letzten dinstpflicht bracht. Aůch
wart entlich Hertzog Mesico von Polnn mit sambt allem seinem
Folck důrch streitbarkaÿt benants Marggraůen Gero vberwůnden
vnd an die kaÿserlich Maiestat bracht. Wiewol mit verwůndůng
seÿnes selbst aÿgenn leibs Aůch mit verlůst seines Vetternn eines
gar tůgentreichen mans. Vnd ser vil anderer edeln manschafft
Aber entlich kamen alle OsterWendische Lant vnd lewth in die
kaÿserlichenn obirkait.

Da die Osterwenden mit sambt ÿrem Landt an das kaÿserthůmb
gebracht warn. hetten die Westwenden zwen Fůrstenn Als
Nemlich Wagari ainen Selibůr. vnd den andern die Obotritenn