Mistowi gnant Welche an ain ander feÿndt warn.
Aůch ainer den andern anseÿnen Landen vnnd lewten ser vnnd
vilfaltiglich beschedigt. Derhalbenn Hertzog.
Hermann. von Sachssen an stat vnd vonn wegen kaiserlicher
Maiestat denselben zweÿen herren Selibůr vnd Mistowi
fůrbeschÿd sich zůůorantworten vmb baÿdersaits geůbte
gewaltt. Derhalben der hertzog nach verhor der sach den Selibůr
vertailt vmb Fůnffzehen pfůndt silbers. Welchs vrtail dem Selibůr
so wee thet. das er fůrnam mit hertzog. Herman zůkriegen.
Weil er aber nit gnůgsamen vermůgens was dem hertzogen
zůwider steen So schicket er sein botschafft zům Graůen Wigmann
vmb hilff bittendt. Des wart Graff Wigman hoch erfrawet.
Vnd gar willig. Vnd kam schleůnig mit seÿnem Folck.

So bald aber Graff Wÿgman in die Stat Plůnen einkůmmen was.
folget des hertzogenn von Sachssenn here. vnd legt sich vor die