Stat. Jnn mitler zeit Graf Wigman bey nechtlicher weÿl sich aus
der Stat gab. vnnd In einem schifflenn vber den See an der Stat
gelegen fůr Im schein als wolt er ÿn hilff vnd rettůng mit Folck aůs
Dennemarck verschaffen. Wann er wardt vil vnerfarner Inn
diesem krieg befůnden dann sich ÿederman zů ym versehenn hett.
Mann war aůch nit vil tag vor der Stat gelegen. das man begůnst
gebrůch zůleÿden an der her Speÿs Derhalben aůch die
in der Stat. In so grosse not kamen. das sie von des graůsamen
gestancks wegen der osse můsten aůs der Stat zciehenn Demnach der
Hertzog den Wendischen herren Selibůr hart ansprechendt schalt von
wegenn seÿner vntrew. Daraůff der wende also antworth. Warůmb
schielstů mich als ein vngetrewen. vnd als ein glawbbrecher. Wann die
Ihenige die dein kaÿser vnd dů nit habt kůnnen vberwinden
dieselbenn sein itzůndt gar wapenlos.

Daraůff der hertzog die Stat einnam des Selibůrs Sůn den er vorhin
zů ainem pfandt entphangenn hett. alle seÿnes Vatern gůter vnnd