Dieser Romischer Kaÿser ist eÿn ser andechtiger Fůrst gewest. vnd eÿn
súnderlicher handthaber der geistlickaÿt. vnd also das er nit allein
gaistliche person hat allezceit in gnedigem schůtz gehabt. Sůndern
aůch ÿr gůter. Derhalben als ÿm ein Graff ein mal mit
grosser macht In ein streit gefolgt hett. vnnd vmb gegenwertigenn
obligens willen. verhofft vom Romischer kaÿser alles das er bet.
zůerlangen. bat er den kaÿser vmb die Apteÿ zů Laůrishaÿm. von
den seinen In yren nůtz vnd genÿs zůziehen. Daraůff
der Romisch kaÿser demselben Graůen diese antwort gab. Es
ist gar leichtlich von eÿnem ÿeden zůermessen das dein bit aůs
drawůng vnd hoffart. vnd nit aůs demůt geet. Dann gaistliche
geweite vnd behailigte gůter den hůndenn zůgeben. Ist ein grosse
vntath Derhalben wil ich der gaistlichen Ritter gůter den weltlichen