dem Mÿsaca baldt zůůersteen gebenn wardt. Derwegen er zům hertzog.
Bolesla von Behemen seinem vettern vmb hilff schicket. Derselb
schicket ÿm zwen raÿsige hawffenn. Darůmb zůstůndt da Graff Wÿgman
mit seinem here wider ÿn kam. schicket Misaca sein Fůsfolck zům erstenn
wider ÿn. Welche aůff ÿres herren gehaÿs vnnd befelh begůnten
vor Graff Wÿgman seůberlich zůweichen bissolang sie ÿn fern
vonn seiner Wagenbůrg gebracht hetten. Vnnd alsbald schicket er den
raisigenn zeůg hinten zů. wider die feindt. Vnd gab dem FůsFolck
ain zaichen still zůsteen. vnd sich zům straÿt zůberaiten
Da nůn Graff Wigman hinden vnnd vorn zů benotiget w as. versůcht er
zůentflÿhenn. aůs vertrawen das er In sein schnell vnd wol laůffendt
pferd setzt. Aber da das sein bůntgenossen merckten strafften sie ÿn
vmb seines vnerlichen fůrnemens willen. Daraůff er bewegt vom pferd
abstÿg. vnd zů Fůs mit den feinden denselben tag. ritterlich streÿtend
mit menlicher tat sein lebenn errethet.

Dieweil aber Graff Wigman sich aůsgehůngert. vnd deshalb aůch von der
grossen raÿs. vnd das er die gantzen nacht Im harnisch gewest vnd gangen was.