Aůch das er von dem streit můd was. kam er des morgens frů mit gar
wenig lewthen in aines Bawern hoff. Vnnd nachdem ÿm die fůrnemsten
von den feÿnden nachfolgten erkanten sie ÿn am Harnisch Wann es war
ein gar herlicher gerader man. Da fragtenn sie ÿn wer er wer. da
bekent er das er Graff Wigman were Darůmb hiessen
vnd vermanten sie ÿn den harnisch abzůlegen. Vnd geredten ym seines
lebens versichert vnd vnůersert ÿn Irm herren zůantwortenn Aůch
das sie wolten von ÿrm herren erlangen das er ÿn dem kaÿserr lebend
wider gebe. Aber Wigmannůs wiewol in seiner grosten not noch wolt
er sich den selben. als gedechtig seines adelichen Ritterlichenn
Lebens nit gefangen gebenn. Vnd gelobt yn Jrem herren Misaca selbst
sich gefangen zůgeben. vnd sein harnisch vnnd wehrr.

Da nůn die Linticier also mit Graůenn wigman zů Misaca zůgen. wart
er vonn eÿner grossen menig feÿndt vmb geben vnnd hefftig
angefochten. Derhalben er wiewol ser můd vnnd matt vil erschlůg