gnant ser gram vnnd tot wider was Derhalben er aůch die
Bůrgermaister vnnd Ratsherrenn den der kaÿser. Otto. das Regiment
der Stat Rom befolnn hett. an sich zcog. Vnd dorfftenn doch
nit gewaldige hende wider den Babst anlegen Wann das gemaÿn
Folck was ÿm vonn wegen seiner vordinst ser gůnstig Da
nůn die Romer durch sich selbst nichts kunten fůglich wider den
hailigen Babst aůsrichten forderten sie Graff Jofred von Campanien
gein Rom. derselb als ein vbergrÿmmiger zwitrechtiger
tÿran fieng den hailigen Babst. bey Sant Joannes Lateran. Vnd
leget yn zům Ersten aůff der Engelbůrg zů Rom gefenglich. Darnach
fürt er ÿn mit ÿm In Campaniam gein Vineth. Derhalbenn
erhůb sich. herr Johans Fůrst zů Capůa wider den Jofred.
kriegt mit ÿm. vnd vberwandt ÿn. Aůch totet er ÿn entlichenn
mit sambt seinem ainigen Sůn. Darnach wart Babst
Joannes Im eÿlfften Monat seines gefencknÿs wider ledig. kam gein
Rom. vnd wart vonn der geistlickait vnd allem Folck wider zů yrem
Babst angenůmmen vnd eingesetzt.

Weÿl sich die Romische vnd andere Welsche sachenn also hielden