Aber zůstůndt da der Romisch kaÿser. sein Folck hett in ÿr lager verordent.
Nam er die Bůrger zů Rom fůr. von allen sachen aůffs eÿgentlichst
beforschent. Vnd nach grůntlicher erfarůng aller hendel.
warff er die Bůrgermaister vnd Ratsherrn in das gefencknÿss Aůch
den Pfleger. Vnd nach dem er důrch befragůng den handel aÿgentlich
erlent hett. lies er sie ernstlich peinlich straffen. Aber dem
Romischen. vnd allem andern Adell zů erenn. lies er die Bůrgermaister
gebůnden In Germanien fůrn. Vnd in das Elendt verweÿsen.