Nach erlangtem diesem Sÿg zcog der Romisch konig. Otto. wider
gen Rom Deshalbenn er vom Babst Joannes dem dreÿzehenden
zů ainer belonůng so hoher woltat am hailigenn Cristtag
Nach Cristi vnnsers herren gebůrt Jm Neůnhůnderten vnd
SibenvnndSechtzigstenn Jar. mit verwilligůng seÿnes Vatern kaÿsers. Otto.
des Grossenn. der ÿnn zů ainem mit Regenten des hailigen Romischen
Raichs gesetzt hett. In Sannt Johans Lateran můnster zů
Rom aůch zů Romischenn kaÿser Vnnd sein eelich gemahell die
kaÿserin. Teophania. von Constantinopell geborn Romische kaÿserin
wardt gebenedeÿet vnnd gesalbet. Vnnd mit der
kaÿserlichenn Maiestat vnd kron begnadet vnnd gezcirt.