Als erstgedachter kaÿserlicher Maiestat briff aůff ainem Landtag zů
Werla vor den Fursten vnnd den stenden gelesenn was. erkenten
die Sachssen das sie můsten den Redarÿs zůgesagten frid haltenn.
Sůnderlich aůch angesehen das der krieg mit den Dhenen angieng.
die wider vngehorsam worden warn. Vnd das sie nit Inn ÿrm
vermůgen hetten. zů gleich aůff ein zeit zwen krieg zůfůhrn.
Dorůmb zcogen sie wider die Denen. gewanen ÿn vil schlacht ab.
Vnd behieltenn sie entlich Inn rwe. vnd forcht das sie sich nit
mer důrfften mit kriegenn an den. Sachssenn versůchen.