Als nůn kaÿser. Otto. die zweÿ Lanndt Calabrien vnd Apůlien hett
důrch seÿnen Sůn aůch Kaÿser. Otto. gnant wider zům Romischen Raich
gebracht. vnnd mit seinem Folck lassenn besetzen. das verschmeet
den kriechenn wůnder ser. Vnnd hetten daran grossen verdrÿs
das ÿr besetzůng vnnd Schlosser solten von Welschenn vnd Teůtzschen
lewthen ÿnnen gehabt werdenn. Derhalbenn sie sich mit
den Saracenern verbůnden. in maÿnůng yn wieder den kaÿser. Otto.
vil mer zůthůn. gewan die krÿechenn aůs Jtalien zůůertreyben. dann
er gehabt hett die Saracener zůůertreiben. Darůmb etlich beschichtlerer [lies: geschichtlerer]
schreibenn. vnnd sůnderlichen Wilhelm vnd Sÿghardt
das kaÿser. Otto. vil streÿt mit den krÿechenn gehabt hab. zůůor
darůmb das der kaÿser ÿm fůrgenůmmen hett. der krÿechen vilfaltig
vntrew an den Walen geůbt In kain weg vngestrafft zůlassen