Diesenn ersten Ertzbischoff zů Magdebürg schicket der Romisch
kaÿser. mit fůrderůngs schrifftenn gein Rom zů dem Babst
Joannes dem dreÿzehenden nach dem Pallio. Welcher
Babst aůs besůnder gnediger neÿgůng. So er zů dem Kaÿser. Otto.
als zů eÿnem ganntz gotsfortigenn Fůrsten trůg. entpfieng
vnd hielt diesen erwelten Ertzbischoff herrn Adalbrecht gar
gnediglichenn. vnnd weÿhet ÿn an Sannt Lůcas tag. Vnnd
gab ÿm das Palliům. Aůch machet er ÿn vnd sein nachkommen
zů Primaten vber alle Ertzbistůmb in Germanien. Aůch das
er den Ertzbischoůen zů Meintz. zů Colnn. vnd zů Trÿerr. mit der
wirde allenthalbenn solt gleich sein. Jtem das er
ÿm eÿn kreůtz solt lassenn. vortragen oder fůren. Vnd das er solt
aůch vnter den Cardineln gesellschafft habenn. Aůch gab die
Bebstliche hailickaÿt diesem erstenn Ertzbischoff zů Magdebůrg
die gewalt noch gewonhait der hailigenn Romischen kirchen zwelff