Da benanter erst Ertzbischoff vonn Bebstlicher hailickait wie
gemelt bestetigt mit sambt dem Cardinal aůs Rom glůcklich
also In Sachssen kůmmen warnn. Wart der Romisch Kaÿser
ser erfrawet. vnnd gebot allen Bischoůen. Marggraůen
Vnnd andern Fúrstenn vnd herren zů Sachssenn diesen erstenn
Ertzbischoff aůffs wirdiglichst zů Magdebůrg einzůfhůrenn Wie
aůch geschah. von der gaistlickait. Vnnd dem gemeÿnenn
Folck mit grossen eren vnnd Fraÿden