Beÿ vnnd vnter solcher Solemnithet vnnd einfůrůng vnd Frolickait
in der hailigenn Weÿnachten weÿhet dieser Erst Ertzbischoff
zů Magdebůrg ein Můnchen Boso gnant zů dem Ersten Bischoff zů
Mersbůrg. hern Bůrckhardt zů dem Ersten Bischoff zů Meÿssenn.

Herrn Hůgo den erstenn Bischoff zů Naůmbůrg. Aůch setzt
er herrnn Aldag. zů dem erstenn Brobst zů Magdebůrg.

Daselbst aůch Bischoff Důdo vonn haůelberg. Vnd Bischoff
Důdelin Oder als etlich habenn. Tethmar von Brandenbůrg.
vormals dem Ertzbischoff zů Meintz vnterworffen. dem
Ertzbistůmb zů Magdebůrg hinfůr gehorsam vnd vnnterthenig
zů sein gelobtenn.