Da nůn kaÿser. Otto. alle sachenn in welschenn Landen het zům besten
verfůgt. vnnd alle sein vnd des hailigenn Raichs feindt glůcklich
vberwůndenn. zcog er mit seinem Sighafftigenn Folck wider vber das
gepirg nach seÿnen erblanden. in Teůtzsch landt. Vnd zcog
důrch Baÿrnn in Sachssen. Vnd kam frisch vnd gesůnt. aůch sůst
mit anderm wolgeen gein Magdebůrg. An welchem endt er
aůch den hailigen Palmtag erlich feÿreth. Aůff den Montag
nach dem hailigenn Palmtag gab der Romisch kaÿser zů haill
seiner sel dem almechtigenn Got. vnd seinem hailigen Ritter
Sant Maůricien vnaůssprechliche gabe. an gůtern. an bůchern. Vnd
an kostlicher zcirhait Aůch bestetigt er alle seine gabenn. Vnnd
macht ein vorschreibůng darůber in gegenwertickait seiner eelichen
gemahell der Romischen kaÿserin. aůch seins Sůns. Otto. darnach