Romischer kaÿser. vnnd vil cristlicher gezeůgenn. Derselben
Romischenn kaÿserlichen vorschr eibůng Copeÿ noch heůtigenn tags
in der libreÿ zů Magdebůrg ist. Vnd lawt nach dem Teůtzschen also.

Inn dem Namen der hailigenn vnd vnteilsamen dreÿfaltickait Wir
Otto vonn gotsgnaden Romischer kaÿser allezeit merer des Raichs
etc. allenn cristglawbigenn. vnd vnsers Raichs lieben getrewen. Enbitenn
Vnsern grús in dem ewigen frid Alle Cristglawbige gegenwertige vnd
zůkůnfftige sollenn wissenn. Das wir zů hail vnd zů artzneÿůng
der selen vnsers herren vnd Vaters seligenn Konig. Hainrichs.
Vnser Ernwirdigen můter der konigÿn Matildt. Aůch vnser lieben verstorben
gemahell. Edith. Aůch zů gedeÿůng vnd selickait vnsers. vnd
des gantzen Raichs stants. Vnd vnser lieben Frawen der kaÿserin.
Adelhaÿdenn. Vnd vnsers gelibsten Sůns konigs. Otto. Aůff
eingebůng vnd erInnerůng des hochwirdigen ErtzBischoffs
zů Meintz vnsers lieben Sůns. Wilhelms. seligen gedechtnÿs. Das
gantz Landt mit obir vnd vnder gegent. Veletici gnant Im landt
der Sorbenn. mit anhengigen dorffern. vnd Pflegenn. Aůch mit
aller ÿrer nůtzůng zů vnd eingehorů ng Got vnd seinen hailigen
merterern Sant Maůricien. vnd Sannt Jnnocencien zů Magdebúrg. da
sie leiplich rasten. gegeben haben. Nemlich obinberůrte
vnder gegent da die Stat Gibichensteÿn leigt. mit ÿrem Saltzberg. Die
Obirgegent. da die Stat Wortzen leit. mit den pflegen Qůesici. Ann
Welchem die Stat Jlebůrg Susule ist. die da hat die Stat hoelin zitici
da do ist die Stat zcerbeck Vnd zici die nach vermelte Stete begreifft
Wittÿn. Lebechůn. Lepenah. Trebenitz. Vnd alle andere Stete
mit allen darzůgehorenden saltzwassernn. aůch andern wassernn. Aůch
mit ortlanden vnd vngebawthen landen. Aůch mit Teůtzschen
vnd Wendischen knechtenn vnd dinsten Aůch die Schlosser Putmsbůrg
Dobragore. vnnd Rodinbůrg. mit aller billicher eingehorůng. Das
gůt Hůodonis an der gegent Hilmengaw gelegen. Jn Northringen
das gůt So graff Wilhelm in lehen hat. Welche gůter alle
wir aůs vnserm rechten. in die gerechtigkait vnd erblich aÿgenschafft
Gottes. vnd v orbenanter hailigenn Sant Maůricÿ. vnnd Sannt Jnnocencÿ
mildiglich wenden. geben. vnd aÿgen. Also das die Obirsten derselben
kirchenn sollen an alle widerkar vnd anderůng freÿ gewalt haben
aller obinvermelten Stete vnd gegent. als gaistliche gůter in ÿrr.
nůtz vnnd gebraůch zůwenden. Vnd geben darzů allen
zehend vnd decimas in mergedachten gegenten vnd Steten. Aůch den
zehend Im Landt zů Laůzitz Sepůli vnd Cozimi. von allen zinsenn vnd
gůtern die aůs vnnser selbst. Oder aůs vnser Graúen. oder aller andern
gewalt erlangt werdenn. Aůch von allen gůtern vnd nůtzúngen daůon die