Cristglawbige den zehendt ader die decimas zůgeben verpflicht sein. Vnd
billich vnd von rechts wegen bezalnn sollen. So sie in kůnfftigenn zeiten
mit gotlichen gnaden cristenn wůrden. Darůmb wir wollen
vnd gebiten allen vnsers Raichs vnderthanen vnd getrawen alle berůrte
vnsere Begabůng. Priuilegien begnadůng vnd freihaÿt zůhanthabenn
Vnd damit sie alle an ÿmants veranderůng Sant Maůritz vnd gedachter
kirchenn obirsten vnůersert vnd vnůerclaÿnt můgenn bleiben.
Vnd aůf das vnser milde begabůng. Stet. Vest. vnd bestendig sein můg
haben wir ditz vnser Mandat zůschreiben vnd mit aůffdrůckůng vnsers
Sigils zůbesigeln befoln. Welchs wir aůch selbst vnser aÿgenen handt.
mit vnserm hantzaichen vnden bevestet habenn. Datum am zwelfften tag
Aprilis Nach Cristi gebůrt Im Neůnhůndert vnd Sibentzigsten. Vnnsers
Kaÿserthůmbs dem Achten. vnd vnsers Raichs Viervnddreisigsten Jharn.

Aůs befelh des kaÿsers hat lewtolff Cantzler an stat Brůnonis des ErtzCapellans
dis Mandat gezaicht.

Des grossenn Kaÿser Otto.

hanndt zaichenn.

Als nůn der kaÿser. Otto. nit allein alle Welsche Lanndtschafft.