mit aÿgener handt becrefftet. zcog er von Magdebürg gein
Qúidlingenbůrg. Vnd hielt die hailigenn Ostern daselbst. Dahin kamenn
aůs gar vil Landen lewth in grosser menig vnd an zall. Vnnd
sunderlich Hertzog Mesico von Polnn Vnd hertzog Bolesla von Behemen
Aůch Botschafft der von Beneuenth des kaÿsers von Constantinopel. Der
vngarn. der Bůlgarn. der Dhenen vnnd Wenden. Vnd Da sie alle reichlich
von dem Romischen kaÿser begabet warn. zcogen sie wider frolich heÿm.

Darnach zcog der Romisch kaÿser gein Mersbůrg die hailig hÿmmelfart
Cristi daselbst zůhaltenn. Wiewol er mit
trawrickait vnd betrůbnÿs beladen was von wegen des Iůngst verstorben.