Hertzog. Hermans. von Sachssenn. an dem ÿm gar gros laÿd gescheen
was. Aber wie dem. so entpfieng er die Botschafft die zů
ÿm aůs Affrica kůmmen was. mit grossenn Erenn.

Darnach am dinstag vor Pfingsten zcog der Romisch kaÿser von Mersbůrg
gein Můmmeleůben An welchem endt er sÿbenn tag lag vnd frw nach
seiner gewonhait zů der Mettenn aůfstůndt. Vnd darnach ein wenig
růet Aůff den nachfolgenden tag. da die mess gehalten was. gab
er den armen lewthen aůch nach seiner gewonhait sein hende. Vnd
nam wenig speÿs zů ÿm. darnach rweth er wider ein wenig Im bett.
Als aber die stůndt kůmmen was. erhůb er sich frolich. vnd gieng zů tisch