vnnd von seinem Sůn dem Romischenn kaÿser. Otto. dem andern gein
Magdebůrg gefůrt. Da er aůch aůffs herlichst mit grosser clage von
herrn Adalbrecht Ertzbischoff zů Magdeburg. vnd herrn Gero zů Colnn
Ertzbischoff angenůmmen. Vnd in ainen Marmelsteÿn sarg begraben
wart. Darzů aůch vil andere Bischoff vnd gaistlickait halffen.

Diesem Romischenn kaÿser. Otto. dem grossen ist nach seinem lebenn hernach
geschrieben Grabschrifft zů ainem gedechtnÿs seiner hochrůmlichen
tůgent gemacht worden. Otto ain zcir des Raichs von koniglichen
geschlecht gebornn. Des konig hainrichs allenthalbenn mit
scheinbarn loblichen geschichten vnd werckenn erleůchtet. Vnd
daúon das Raich seines Vaters erlanget. Nach dem hailigen kaÿser
karll ist kain solcher vbertrefflicher Patron vnd kaÿser gewest. Hat
zwelff Bistůmb gestifftet. Er hat vberwůnden mit redlicher streitbarkeit