vnnd tügent den konig. Berengar. Er hat ym vnterworffen vnd
gehorsam gemacht. die helse der tollen lengebarden. Diesen Romischer
kaÿser hat ÿm Rom zů ainem mechtigen kaÿser vnnd herren erwelt Vnd
ÿm wart der mehr zoll gegeben. Er was ein freůndt des frids. vnd stillet
weÿt vnd breÿt krieg vnd vnfrid. Die West Nacion stillet er vnd
die wilde denen. Aůch die zeit in Ostgegenten sich kain feindt erew gt hat.
Er hat das Romisch Raich achtvnddreisig Jar regirt. Darnach dieser kaÿser.
Otto. der Gros ach wie mit grossem laid seiner lewt gestorben ist. zů
den gaben des hÿmmelischen ewigen legens [lies: lebens].

Aůs vormeldůng vnd erzelůng dieses Romischen kaÿser leben. kriege.
Stifftůng. vnd vil andere lobliche treffliche vnd verdinstwillige
geschicht. kan ein ÿederman aůch messigs verstants abnemen. warůmb
er der Gros. Otto. genant ist worden. Wann sůnderzweiůel er
hat so loblichen zůnamen gleich dem grossen Alexander konig zů
Macedonien. vnd dem streitbarr Romer dem Grossen Ponpeÿo. von der grosse
seiner tůgent vnd der trefflichen hendel. krieg. vnd stifftůng erlangt.